မကျေနပ်ယင်ထွက်ပေးမယ်

မကျေနပ်ယင်ထွက်ပေးမယ်

၁၉၄၇ ခုနှစ်၊ မေလ ၃၀ ရက်နေ့ သတင်းစာဆရာများ
အစည်းအဝေးတွင် ပြောကြားချက်များ

လွတ်လပ်ရေး ရတဲ့ အချိန်အထိတော့ ကျုပ် နိုင်ငံရေးလုပ်ရအုံးမှာဘဲ။ လွတ်လပ်ရေး ရပြီးလို့ ပါတီတိုက်ပွဲတွေ ဖြစ်တဲ့အချိန်မှာ ကျုပ်က မပါချင်ဘူး။ ဘေးဖယ်နေမယ်။ သူများတွေလုပ်တာထိုင် ကြည့်ပြီး စာအုပ်ရေးမယ်။ ကျုပ်လုပ်နေတဲ့ အချိန်အတွင်းမှာတော့ ကျုပ်ရဲ့ ယုံကြည်ချက်အတိုင်း အနိုင်မခံ အရှုံးမပေးဘဲ နောက်ဆုံးအထိလုပ်မှာဘဲ။




ပြန်လည်ထူထောင်ရေး

ပြန်လည် ထူထောင်ရေး ကွန်ဖရင့် အစည်းအဝေးကို မကြာမီ ခေါ်ယူပြီး လက်ငင်းချက်ချင်း လုပ်စ ရာရှိသမျှကို အစီအစဉ်များ ရေးဆွဲမယ်။ အစိုးရတို့ ယခုလုပ်နေရပုံမှာ ဆန်စဉ်ရာ ကျည်ပွေ့လိုက် ဆိုသလို ဟိုကဆူယင် ဟိုလိုက်လုပ်၊ ဒီကဆူယင် ဒီလိုက်လုပ်ဆိုသလို ဖြစ်နေတဲ့အပြင် အလုပ် ကောင်းကောင်း လုပ်ဖို့လဲ အချိန်မရဘူး။ ဒါကြောင့် ခွေးဟောင်တိုင်းထမကြည့်နဲ့ ပြောပြန်တော့လဲ မခံချင်ဘူး။

ဝန်ကြီးလခလျှော့ရေးကိစ္စ

လက်ရှိအစိုးရ အဖွဲ့ဝါဒ စည်းမျဉ်းအရလုပ်နေရာ အောင်မြင်တာလဲရှိတယ်။ မအောင်မြင်တာလဲရှိ တယ်။ သို့သော် အစိုးရက မိမိတို့မူလကကြေညာခဲ့တဲ့အတိုင်း လုပ်ခဲ့တဲ့အချက် အမြောက်အများရှိ တယ်။ အစိုးရမှာ ဘဏ္ဍာရေးအခြေအနေမကောင်းလှသည့်အကြောင်းကိုလဲ တိုင်းပြည်အားရှင်းပြ ပြီးပါပြီ။ ချွေတာရေး နည်းလမ်း အမျိုးမျိုးကိုလဲ ဘိလပ်အစိုးရထံ အကြောင်းကြားပြီး ပြန်လည်ထူ ထောင်ရေးကွန်ဖရင့်လုပ်ပြီးတာနဲ့ တပြိုင်နက် အစိုးရ ဌာနများမှ လျှော့တန်တဲ့ နေရာလျှော့၊ ပိုတန် တဲ့နေရာမှာ ပိုလုပ်နိုင်မှာဘဲ။ ပြန်လည်ထူထောင်ရေးလုပ်ငန်းကို စံနစ်တကျလုပ်နိုင်မှ တိုင်းပြည် နားလှန်ထူမှာဘဲ။

အားလုံးလုပ်ပေးမယ်

ကျောင်းဆရာ၊ အလုပ်သမား၊ အစိုးရအမှုထမ်းများအရေးကို သီးခြားမလုပ်ဘဲ အားလုံးခြုံပြီးလုပ်ရ မှာဘဲ။ ဆိုင်ရာ အသင်းအဖွဲ့များက နည်းလမ်းတကျ တရားသဖြင့် တောင်းဆိုကြမယ်ဆိုလျှင် အစိုး ရတို့က သေသေချာချာ စဥ်းစားပြီးထိုက်သင့်သလို ဆောင်ရွက်ပေးမှာဘဲ။ ဒီလိုပြောလို့လဲတောင်း သမျှ ပေးမယ်လို့ မဆိုလိုဘူး။ ဘယ်အစိုးရမှလဲ တောင်းတိုင်းပေးနိုင်မှာမဟုတ်ဘူး။

ဂျပန်ခေတ် လစာဟောင်း

ဂျပန်ခေတ် အတွက် လစာဟောင်းများ အရေးဟာလဲ ကျုပ်တို့နှင့်မဆိုင်။ စစ်အတွင်းဘုရင်ခံ ဒေါ် မန်ဆမစ်က စစ်နိုင်အောင်ဝါဒဖြန့်တာသာဖြစ်တယ်။ ဒါပေမဲ့ ကျုပ်တို့က လုပ်နိုင်သမျှ လုပ်ပေးမယ် ဆိုပြီး ယခု နဲနဲထုတ်ပေးတယ်။ ကျန်ငွေကို စာချုပ် ထုတ်ပေမယ်လို့ စီစဉ်ထားတယ်။ ထုတ်ပေးမဲ့ စာချုပ်ဟာ ဂျပန်ခေတ်က စာချုပ်မျိုးမဟုတ်ဘူး။ တန်ဖိုးရှိမဲ့စာချုပ်ပါဘဲ။ အဲဒါကိုပဲ ကြံဖန်အပြစ် ပြောနေသူက ပြောသေးတယ်။

ပေးချင်ပေတဲ့ မရှိ

လစာ ပြုပြင်ရေး ကော်မီရှင် ကိစ္စကိုလဲ စဥ်းစားရမယ်။ ခက်တာက အစိုးရမှာ ပေးချင်ပေတဲ့ ပိုက် ဆံကမရှိ။ အစိုးရရဲ့ဝါဒကတော့အောက်လူတွေကိုတိုးပေးဖို့ မူအားဖြင့် သဘောတူပြီး၊ နိုင်ငံဝန်ထမ်း ပဌမတန်းတွေဆိုယင် အခုမလျှော့နိုင်သေးဘူး။ အဲဒီ ဘိလပ်အတွင်းဝန်က တိုက်ရိုက်ခန့်တဲ့ရာထူး တွေဖျက်ပြီးမှ လျှော့နိုင်မယ်။ ဖျက်ဖို့လဲ စီစဉ်နေပြီ။ အဲဒီ လူတွေကို မလျှော့နိုင်ခင် နိုင်ငံဝန်ထမ်း ဒုတိယတန်းများရဲ့ လစာကိုလဲ မလျှော့ချင်သေးဘူး။ အားလုံးဆွေးနွေးလုပ်မယ်။

အဲဒီလို အခက်အခဲမျိုးတွေ ရှိနေတော့ ပြန်လည်ထူထောင်ရေးကွန်ဖရင့်မှာ အားလုံးဆွေးနွေးစဉ်း စားပြီးလုပ်မယ်။ ကွန်ဖရင့်ကို တက်ဖို့ အစိုးရဖက်က လူတွေ အသင်းအဖွဲ့များနှင့် ကြားလူများကို လဲ ဖိတ်ခေါ်ပြီး နေ့စဉ်ရက်ဆက် ဆွေးနွေးတိုင်ပင်ပြီးတာနဲ့ တပြိုင်နက် အဲဒီအစီအစဉ်အတိုင်း ကောက်လုပ်မှာဘဲ။

အလုပ်လုပ်ပါရစေအုံး

အဲဒီလို လုပ်တဲ့အခါမှာ သခွပ်ပင်က မီးတကျည်ကျည် လုပ်တာတော့လဲ မကောင်းဘူး။ မြှောက် ပေးတဲ့ အထဲ သတင်းစာတွေလဲ ပါတယ်လို့ ကျွန်တော်က ပြောချင်တယ်။ အဲဒီလို ခင်ဗျားတို့ လုပ် နေယင် ကျုပ်တို့ကလဲဝတ်တရားအတိုင်း အရေးယူလုပ်ရမှာဘဲ။ အဲဒီလို လုပ်ကြယင် မီးခိုးမဆုံးမိုး မဆုံးဖြစ်နေမှာဘဲ။ အဲဒါတွေ ဖယ်ထားပြီး အလုပ်ကလေးလဲကောင်းကောင်း လုပ်ပါရစေအုံး။

အစွန်းမထောင်ပါနဲ့

ကျွန်တော်တို့ကို မကြိုက်ဘူးဆိုယင် ထုံးစံအတိုင်း မကြိုက်တဲ့အကြောင်းကို သေသေချာချာပြော ကြပါ။ ကျုပ်တို့ထွက်သွားရုံဘဲ။ ဟိုဖက်ကအစွန်းထောင်၊ ဒီဖက်က အစွန်းထောင်အောင်တော့ မ လုပ်ကြပါနဲ့။ ဦးစိန္တာကို အစက ဖမ်းဖို့မရည်ရွယ်ပါဘူး။ ဒါပေမဲ့ သူကတရားလက်လွတ်ရှောက်လုပ် နေလို့ ဖမ်းရတာဘဲ။

တိုင်းပြည်နာတယ်

ကျွန်တော်တို့ယခုအုပ်ချုပ်နေလို့ အခွင့်အရေးသိပ်ယူနေကြတယ်။ အင်္ဂလိပ်ဘုရင်ခံသာ တိုက်ရိုက် အုပ်ချုပ်နေမယ်ဆိုယင် ဒီလိုလုပ်ရဲမှာလဲမဟုတ်ဘူး။ လုပ်ပြန်ယင်လဲ ဥပဒေအတိုင်း အရေးယူယင် ငြိမ်နေမှာဘဲ။ အခွင့်အရေး ပေးထားတော့ ပါးစပ်ကတော့ နယ်ချဲ့ သမားတိုက်တယ်။ လုပ်တော့ ကျွန်တော်တို့ကို တိုက်တာဘဲ။ ကျွန်တော်တို့ကိုတိုက်တာကအရေးမကြီးဘူး။ တိုင်းပြည်နာတာက ခက်တယ်။

ထွက်ပေးဖို့အသင့်

ဝတ်တရားအတိုင်းလုပ်တာကို မကျေနပ်လို့ရှိလျှင် တိတိလင်းလင်းပြောကြပါ။ ထွက်ပေးဖို့အဆင် သင့်ပါဘဲ။ မထိတထိနှင့် ဟိုကပွက် ဒီကဆူတာနဲ့ဆိုလျှင် အရေးမယူဘဲ မနေနိုင်ဘူး။ တိုင်းပြည် ပြန်လည်ထူထောင်ရေးလုပ်ငန်းများ လုပ်ကိုင်နေတဲ့အချိန်မှာ ငြိမ်ဝပ်ပိပြားရေး ကိစ္စများကို လိုသမျှ စီစဉ်လုပ်ကိုင်ထားရမှာဘဲ။ အဲဒီလိုအခါမှာ မကျေနပ်လျှင် နည်းလမ်း စည်းကမ်းရှိသမျှ သက်ဆိုင် ရာ ဌာနများမှတဆင့် ပြောဆိုလုပ်နိုင်တယ်။ အဲဒီလို အခွင့်အရေးပေးတိုင်း၊ တောင်းတိုင်း ပေးမယ် မဟုတ်ဘူး။

နွဲ့ဆိုး ဆိုးနေကြတယ်

ယခုဘာဖြစ်ဖြစ်၊ ဘာကိစ္စဘဲရှိရှိ ဗိုလ်ချုပ်ဆီ ရောက်လာ၊ ဗိုလ်ချုပ်လဲ အကုန်လုံးမတတ်နိုင်ဘူးဆို တာ ယခုကြေညာလိုက်ပါတယ်။ ယခုကျွန်တော့ထံမှာ ရိုးရိုးသားသား လုပ်မဲ့လူတွေကို ရွေးထား တယ်။ နောက်ငွေကိစ္စနှင့်ပက်သက်လို့ ကျွန်တော်တို့စေတနာက ဘယ်လောက်ပေးချင်ပေမဲ့ ငွေမ ရှိယင် မဖြစ်တဲ့အတွက်မလုပ်တတ်ဘူး။ အခု ကျွန်တော်တို့အပေါ်မှာ နွဲ့ ဆိုးဆိုးပြီး စမ်းကြည့်နေကြ တယ်။ အဲဒီတော့ ကျွန်တော်တို့ကလဲနည်းလမ်း စည်းကမ်းအတိုင်း လုပ်ရမှာဘဲ။

ဦးကျော်ငြိမ်း ကိစ္စ

နောက်ပြီး ပြည်ထဲရေးဌာနနှင့် ပက်သက်လို့ ကျွန်တော်တို့က ဦးကျော်ငြိမ်းကို တာဝန်အကုန်လွှဲ ထားတယ်။ အဲဒီတော့ ဦးကျော်ငြိမ်းလုပ်တာဟာလဲ ကျွန်တော်တို့ လုပ်တာဘဲ။ ဦးကျော်ငြိမ်းလုပ် တာကို မကြိုက်ယင် ကျွန်တော်တို့လုပ်တာကို မကြိုက်တာနဲ့အတူတူဘဲ။ အခု ဦးကျော်ငြိမ်းလုပ်သ မျှဟာ မှန်တယ်လို့ယူဆတယ်။ မှားတာလဲနည်းနည်းပါးပါးတော့ပါတာဘဲ။ ဒါပေမဲ့အခုဦးကျော်ငြိမ်း လုပ်တာဟာ ကျွန်တော့်သဘောဖြင့် ပျော့သေးတယ်။ ဒီထက်မာဖို့ကောင်းတယ်။ ဘာ့ကြောင့်လဲ ဆိုလျှင် ကျွန်တော်တို့က ဘယ်သူဘာလုပ်မယ်ဆိုတာ ကြိုတင်သိရတဲ့အတွက် အတွင်းရေးတွေ အကုန်ထုတ်ပြောလို့လဲ မသင့်ဘူး။ သိတာတွေမှာလဲ အချို့ ကိုမသိချင်ယောင်ဆောင်နေရတယ်။ အရေးမယူတဲ့နေရာမှာလဲ အရေးမယူဘဲ နေခဲ့ရတယ်။ ယခု ဦးကျော်ငြိမ်း ပုလိပ်ကိစ္စကို လုပ်တာ ကျွန်တော်တို့က လုံးဝသဘောတူတယ်။ ဦးကျော်ငြိမ်းကို ခင်ဗျားတို့ အပြုတ်လုပ်လဲ နောက်ဆုံးဌာ နပြောင်းရုံဘဲ ရှိတယ်။ ဌာနပြောင်းဖို့ဟာလဲ ကျွန်တော်တို့က စိတ်ထဲမှာ ဒီလူဟာ ဌာနပြောင်းသင့် တယ်လို့ သဘောပေါက်လောက်မှပြောင်းမှာဘဲ။ ယခု ဦးကျော်ငြိမ်း လုပ်သမျှကို ကျွန်တော်တို့ လုံး ၀ထောက်ခံတယ်။ အဲဒါကို ခင်ဗျားတို့ ပြောချင်တာပြော၊ ရေးချင်တာရေး၊ ဦးကျော်ငြိမ်း လုပ်တာ ကို ကျုပ် လုံးဝ ထောက်ခံတယ်။

ကျွန်တော်ကတော့ ယုံကြည်တဲ့အတိုင်း လုပ်မှာဘဲ။ ထိန်းလို့ ရယင်ရ၊ မရယင် ကျွန်တော်ရဲ့ခေါင်း ဆောင်မှု ရှုံးတာဘဲ။ ကျွန်တော်လိုလူမျိုးဟာ နိုင်ငံရေးသမားတော့ဖြစ်မှာ မဟုတ်ပါဘူး။ နိုင်ငံရေး သမားဆိုတာက ၀မ်းထဲမှာ ဘယ်လောက်စိတ်ဆိုးပေတဲ့ ဖုံးထားနိုင်ရမယ်။ ကျွန်တော်တို့က စိတ်ဆိုးလျှင် ဆိုးတဲ့အလိုက်ဖုံးလို့မရဘူး။ ။

Posted in: ဗိုလ်ချုပ်မိန့်ခွန်းများ