ညီညွတ်စေချင်တယ်

ညီညွတ်စေချင်တယ်


၁၉၄၇ ခုနှစ်၊ ဖေဖေါ်ဝါရီလ ၁၁ ရက်နေ့ည
ပင်လုံမြို့  စော်ဘွားများထမင်းစားပွဲတွင် မြွက်ကြားချက်

ယခု အစည်းအဝေးတွင် ရာထူးအားဖြင့် ကျွန်တော်ဖြစ်သော်လဲ အသက်အားဖြင့် အငယ်ဆုံး ဖြစ်ပါတယ်။ ကျွန် တော်သည်ကိုရောက်လာတဲ့ကိစ္စ နားလည်တာတခု ရှိပါတယ်။ ဘာလဲဆိုလျှင် မြန်မာပြည်ကြီး လွတ်လပ်စေချင် တယ်၊ ညီညွတ်စေချင်တယ်၊ ကြီးပွားစေချင်တယ်၊ သည်ဟာပါဘဲ။ တိုင်းပြည်လွတ်လပ်အောင်၊ ညီညွတ်အောင်၊ ကြီးပွားအောင်ဘယ်လိုလုပ်ရမလဲဆိုတာကို လွန်ခဲ့တဲ့ ၁၀ နှစ် လောက်ကစပြီး ကြိုးစားလာပါတယ်။ နောင်လဲ ကြိုးစားပါဦးမယ်။ လုံးလုံးလွတ်လပ်တဲ့ကိစ္စ ပြီးပြတ်သည်အထိ ကြိုးစားပါမယ်။

ယခု နားလည်ထားကြဖို့ အချက်က ယခုခေတ်ကမ္ဘာကြီး၏ အခြေမှာ ဘယ်တိုင်းပြည်မဆို၊ ကိုယ့်တိုင်းပြည် တ ပြည်တည်း အထီးတည်းနေနိုင်တဲ့အခြေမျိုး မရနိုင်ဘူး။ တပြည်နှင့်တပြည် ပေါင်းစပ် အမှီသဟဲရှိမှ နေနိုင်ကြ မည်ဆို တဲ့အချက်ပါဘဲ။

လူမျိုးစု အရေးကြီးပုံ

နောက်တချက်က လူမျိုးရေး အကြောင်းကို ပြောလိုပါတယ်။ လူမျိုးရေးဆိုတာမှာလဲ ရှေးခေတ်က ဟစ်အော်လာ ကြတဲ့(အမျိုး၊ ဘာသာ၊ သာသနာ၊ ပညာ) ဆိုတဲ့ စကားမျိုးကို လက်သုံးပြုလို့မလုံလောက်တော့ဘူး။ အမျိုးဆိုရာ မှာ ဘယ်လိုအမျိုးကို တည်ရမလဲ။ ဗမာ၊ ကရင်၊ ကချင်၊ ချင်းနှင့် အခြား အမျိုးများလဲ ရှိသေးတယ်။ တခြားနိုင်ငံ များကို ကြည့်လိုက် လျှင် ဗမာပြည်မှာလို တိုင်းရင်းသား လူမျိုး အများရှိတာကို တွေ့နိုင်ပါတယ်။ တရုပ်ပြည်၊ ဂျပန် ပြည်နှင့် ရုရှားပြည်တို့မှာလဲ သည်အတိုင်းဘဲ။ အမေရိကန်ပြည်မှာလဲ၊ အင်္ဂလိပ်စကားကို ပြောကြသော်လဲ အင်္ဂ လိပ်၊ အီတလီစတဲ့ လူအမျိုးမျိုးတို့ စုပေါင်းပြီး၊ လူမျိုးတမျိုးဖြစ်အောင် ထူထောင်ပြီး၊ သူတို့ကိုယ်ကို အမေရိကန်လို့ ဆိုကြတာဘဲ။ ဒါကြောင့် လူမျိုးရေးအားဖြင့်ကြည့်လျှင် လူမျိုးတမျိုးတည်းကို လိပ်ခဲတင်းလင်းစွဲပြီး ယူဆလို့မဖြစ် နိုင်ဘူး။

ဘာသာစကားကွဲပြားကြသော်လဲ

ဘာသာစကားပင် တူသော်လဲ၊ လူမျိုးခြားနားမှုလဲ ရှိပါတယ်။ ဘာသာ မတူသော်လဲ လူမျိုးသီးခြား ဖြစ်နေတာလဲ ရှိပါတယ်။ ဥပမာ အမေရိကန်ကို ကြည့်လျှင် လူအမျိုးမျိုးဖြစ်သော်လဲ ဘာသာစကားတူပါတယ်။ ရုရှားပြည်မှာဆို လျှင် ဘာသစကား အမျိုးပေါင်းများစွာ ကွဲသော်လဲ လူမျိုးကတော့ တမျိုးတည်း ဖြစ်ပါတယ်။

ဘာသာကို စွဲလမ်းကွဲပြားမှု

သာသနာဆိုတာကတော့ ကိုယ်ကိုးကွယ်ချင်တဲ့ ဘာသာ၊ သာသနာကို ကိုးကွယ်နိုင်ကြတာဘဲ။ ဗမာပြည်မှာ လူ များစုက ဗုဒ္ဓဘာသာ ဖြစ်ပေမဲ့၊ ခရစ်ယန်ဘာသာ ကိုးကွယ်သူ၊ မဟာမေဒင်ဘာသာကိုးကွယ်သူ၊ နတ်ကိုးကွယ်သူ အမျိုးမျိုးရှိတာဘဲ။ သည်တော့ ဒါတွေကိုစွဲပြီး လူမျိုးရေးတရားလုပ်လို့ မဖြစ်နိုင်ဘူး။

ညီညီညွတ်ညွတ်လုပ်ကြရန်

စစ်ကြီးအတွင်းက ကျွန်တော် ၀န်ကြီးလုပ်တုန်းမှာ ကရင်အမျိုးသားတပ်ရင်း ဖွဲ့စဉ်တုန်းက ထမင်းစားပွဲ တခုမှာ ကရင်စစ်သားတဦးက လူမျိုးအချင်းချင်းညီညွတ်ဖို့ အကြောင်းပြောတဲ့အထဲမှာ (ဗမာက ဖဲရိုက်၊ ကရင်က ငါးမျှား) ဆိုတာလို အတူတူပါဘဲလို့ပြောတာကို သတိရပါတယ်။ ကိုယ့်ဒေသအလိုက်၊ ကိုယ်ယုံကြည်တာကို ကိုယ်ကိုး ကွယ်နေထိုင်ကြပြီး တတိုင်းတပြည်လုံးနဲ့ သက်ဆိုင်တဲ့ကိစ္စကြီးမှာ ညီညီညွတ်ညွတ် လုပ်ကြယင်၊ ဒါဟာ တမျိုး တည်းလို့ ယူဆကြရမယ်။

တမိန့်တည်း သဘောတရား

အချင်းချင်း သဘောကွဲလွဲမှုမျိုးဆိုတာကတော့ နည်းနည်းပါးပါးတော့ ရှိမှာဘဲ။ ဒါပေမဲ့ သူတပါးနိုင်ငံက ကိုယ့်နိုင် ငံကိုလာရောက် စော်ကားလို့အသက်ကိုစွန့်ပြီး မလျှော့တမ်း ကာကွယ်တိုက်ခိုက်တာကတော့ အားလုံးနဲ့သက် ဆိုင်တဲ့အလုပ်မျိုး ဖြစ်တာဘဲ။ တိုက်ခိုက်ကြတဲ့အခါမှာ စစ်သေနာပတိ ဟာ ကရင်ဖြစ်ချင်ယင်လဲ ဖြစ်မယ်၊ ကချင် ၊ ချင်းဖြစ်ချင်ယင်လဲဖြစ်မယ်။ ဘယ်သူဖြစ်ဖြစ် တမိန့်တည်း လိုက်နာဆောင်ရွက်ကြရမှာဘဲ။

အဆင်းရဲခံပြီး လုပ်ကြရမယ်

တတိုင်းပြည်လုံး ကြီးပွားစေချင်ယင် လူအား၊ ငွေအား၊ ပစ္စည်းအားနဲ့ စုပေါင်းပြီး၊ အင်တိုက်အားတိုက် လုပ်နိုင်မှ အကျိုးခံစားခွင့် ရှိကြမှာဘဲ။ ဗမာကတမျိုး၊ ကရင်ကတဖုံ၊ ရှမ်း ကချင်၊ ချင်းတို့က တခြား၊ အကွဲကွဲအပြားပြားလုပ် နေကြယင် အကျိုးရှိမှာ မဟုတ်ဘူး။ စုပေါင်း လုပ်ကြမှသာအကျိုးရှိနိုင်မယ်။ လုပ်ကြည့်မှလဲ အကျိုးရှိကြောင်း သိ နိုင်တယ်၊ ပဌမကျုပ်တို့ အဆင်းရဲခံရမယ်။ ယခုအခါ အင်္ဂလန်ပြည်မှာ အစားအသောက် အ၀တ်အထည်များမှ စ ၍ အတော်ချွေတာပြီး အဆင်းရဲခံနေကြတယ်။ ဒါဘာလဲ ဆိုယင် တပြည်လုံးအတွက် အကျိုးရှိအောင် လုပ်နေကြ ခြင်းဖြစ်တာဘဲ။ သူတို့လုပ်နည်းက ပဌမအဆင်းရဲခံပြီး၊ နောင်အကောင်အထည် ပေါ်ပြီး အကျိုးရှိမှာ သေချာ ပေါက် ဖြစ်နေတယ်။

လွတ်လပ်တဲ့ ဘ၀မျိုးဖြစ်လျှင်

ဒီထက်ပိုပြီး ခရီးရောက်အောင် ဆောင်ရွက်ချက်တခုထားဖို့ နားလည်စေချင်တာက အင်ဒိုချိုင်းနား၊ အင်ဒိုနီးရှား စတဲ့ အရှေ့ ဖက်နိုင်ငံများ စုပေါင်းဆောင်ရွက်နိုင်တဲ့အားဖြစ်တယ်။ အဲဒီအားမျိုးရှိယင်တော့၊ ကမ္ဘာ့ထိပ်တန်း အ ခြေဆိုက်ရောက်နိုင်မှာဘဲ။ နောက်ဆုံး ကျုပ်ပြောချင်တာက အင်္ဂလိပ်နဲ့ ကျုပ်တို့ဟာ (ကျွန်နှင့်သခင်) ဘ၀မျိုး တွင် မတည့်နိုင်ကြပေမဲ့၊ လွတ်လပ်တဲ့ ဘ၀မျိုး ဖြစ်လျှင် မိတ်ဆွေအဖြစ်နဲ့ သင့်မြတ်ချစ်ခင်ကြလိမ့်မယ်လို့ မြှော် လင့်ပါတယ်။ ။

Posted in: ဗိုလ်ချုပ်မိန့်ခွန်းများ