Political Science Part (13)

နိုင်ငံရေးသိပ္ပံပညာ အပိုင်း (၁၃)

ပြည်ထောင်စုနိုင်ငံ၏ကောင်းကျိုးများ

(၁)ပြည်ထောင်စုနိုင်ငံသည် ယူနီတရီနိုင်ငံကဲ့သို့ နှစ်ပြည့်တစ်ပြည်ဖြစ်အောင် ပေါင်းခြင်းမျိုး မဟုတ်ပေ။ နှစ်ဦးနှစ်ဝ အကျိုးတူ လိုးလားချက်များဖြစ်သော အမျိုးသားအင်အားတောင့်တင်းမှုနှင့်စီးပွား တိုးတက်မှုများကို ရရှိစေသည့်အပြင် မိမိတို့ မူလသီးခြားဓလေ့၊ ထုံးစံယဉ်ကျေးမှုများကိုပါ မပျောက်မပျက် ထိန်းသိမ်းနိုင်အောင် ပေါင်းစပ်ထားခြင်း ဖြစ်သောကြောင့်ကောင်းသည်။

(၂)ပြည်ထောင်စု နိုင်ငံ၌ ဗဟိုပြည်ထောင်စုအစိုးရအပြင် အချုပ်အခြာအာဏာပိုင် ပြည်နယ်အစိုးရ များလည်းရိသည်။ ထို့ကြောင့် ဒေသအနှံ့အပြား၌ နေထိုင်ကြသော အစိုးရတို့၏လုပ်ငန်းများကို အလွယ် တကူဝင်ရောက်လုပ်ကိုင်နိုင်ပေမည်။ ယင်းတို့ အစိုးရကိစ္စရပ်များကို ပါဝင်လုပ်ဆောင်ရခြင်းဖြင့် ပြည်သူတို့၏ နိုင်ငံရေး အသိတရားများမြင့်မားလာနိုင်သည်။

(၃)ပထ၀ီအားဖြင့်၎င်း၊ ယဉ်ကျေးမှု ၊ဓလေ့ထုံးစံ၊လူမျိုး၊ဘာသာစသော အချက်များမ တူညီသည့် ကြီးမားကျယ်ပြန့်သော နယ်မြေများကို စုပေါင်း၍ ပြည်ထောင်စုဖွဲ့စည်းနိုင်သည်။ ဤသို့ကြီးမားကျယ်ပြန့် သောနယ်မြေရှိနိုင်ငံများကို ပြည်ထောင်စုဖွဲ့စည်းခြင်းဖြင့် ကမ္ဘာ့ထိပ်တန်းနိုင်ငံကြီးများဖြစ်နေသည်ကို မျက်မှောက်ကာလတွင် တွေ့ရှိနိုင်ပြီး၊ ယင်းသို့ ကြီးမားကျယ်ပြန့်သောနယ်မြေရှိနိုင်ငံများကို ယူနီတရီနိုင်ငံ ဖွဲ့စည်းတည်ထောင်မိသဖြင့် ပျက်စီးခဲ့ရသော သာဓကများလည်း ကမ္ဘာ့ရာဇ၀င်တွင် အထင်အရှား တွေ့ရှိနိုင်သည်။

(၄)ပြည်နယ်အစိုးရများသည် မိမိတို့ ပြည်နယ်အတွင်းဖြစ်ပေါ်လာသော ပြဿနာများကို လျှင်မြန်စွာဖြေရှင်းပေးနိုင်မည်။ ထို့ကြောင့် ဗဟိုအစိုးရသည် တမျိုးသားလုံးနှင့်သက်ဆိုင်သော ပြဿနာကြီးများကို အာရုံစူးစိုက်၍ ဆောင်ရွက်ခွင့်ရရှိနိုင်သည်။

(၅)ပြည်ထောင်စု နိုင်ငံတွင် အာဏာကို ဖွဲ့စည်းအုပ်ချုပ်ပုံ အခြေခံဥပဒေဖြင့်ခွဲဝေထားပြီး ၊ ပြင်ဆင်ရန်ခက်ခဲသော အခြေခံဥပဒေကို အသုံးပြုထားသောကြောင့် အစိုးရသည် ပြည်သူတို့၏ အခွင့်အရေးကို ထိပါးကျူးလွန်သော တရားမဲ့အစိုးရဖြစ်လာရန် အလွန်ခဲယဉ်းသည်။

ပြည်ထောင်စုနိုင်ငံ၏မကောင်းသောအချက်များ

(၁) ပြည်ထောင်စုနိုင်ငံရှိ ဗဟိုအစိုးရသည် အာဏာကိုပြည်နယ်တို့နှင့် ခွဲဝေယူထားရသဖြင့် အာဏာပိုင် သော အစိုးရမျိုး မဟုတ်ပေ။ ထို့ကြောင့်အပြည်ပြည်ဆိုင်ရာပြဿနာရပ်များကို ဆောင်ရွက်ရာ၌ လွတ်လပ် ခြင်းမရှိရ၏ ၁၉၁၉ ခုနှစ်တွင် အမေရိကန သမ္မတ၀ီလဆင်သည် ဗားဆေးစာချုပ်ဖြင့် ပထမကမ္ဘာစစ်ကို စစ်ပြေငြိမ်းပြီး၊ ဒုတိယကမ္ဘာစစ်ကို တားဆီးနိုင်ရန် တည်ထောင်ခဲ့သော “ကမ္ဘာ့နိုင်ငံပေါင်းချုပ်အဖွဲ့” (League of Nations) သို့ အမေရိကန်ပြည်ထောင်စုပါဝင်ရန်ကို ဆီးနိတ်က ငြင်းဆိုသဖြင့် ပါဝင်ခြင်း မပြုခဲ့ရသည်ကိုတွေ့ရသည်။ အုပ်ချုပ်ရေးဌာန၏ အပြည်ပြည်ဆိုင်ရာစာချုပ်မျာသည် ဆီးနိတ် အထက်လွှတ်တော်က သဘောမတူလျှင် အတည်မဖြစ်နိုင်ပေ။ ထို့ကြောင့်ပြည်ထောင်စုနိုင်ငံသည် ယူနီတရီ နိုင်ငံကဲ့သို့ နိုင်ငံတကာ ဆက်ဆံရေး၌ မလွတ်လပ်သဖြင့်မကောင်းပေ။

(၂)ပြည်ထောင်စုနိုင်ငံ၌ အစိုးရတစ်ဖွဲ့ ထက်ပိုသောကြောင့်အစိုးရဌာန အသီးသီးအတွက် ငွေကြေးအကုန်အကျများသည်။ ပြည်သူပြည်သားများမှာလည်း ဗဟိုအစိုးရအပြင်မိမိတို့ ပြည်နယ်အစိုးရ အတွက်ပါ အခွန်ထမ်းဆောင်ရသဖြင့် တာဝန်လေးသည်။

(၃) အချုပ်အခြာအာဏာပိုင် ပြည်နယ်တိုင်း၌ ဥပဒေတစ်မျိုးစီရှိသဖြင့် ဥပဒေများသည်နှင့်အမျှ ရှုပ်ထွေးသည်။ ဥပဒေရေးရာ၌စပ်လျဉ်း၍ ဗဟိုအစိုးရနှင့် ပြည်နယ်အစိုးရတို့ အငြင်းပွားစေနိုင်သဖြင့် အချိန်ကုန်ငွေကုန်သည့်အပြင် ကြီးကျယ်သော ပဋ္ဋိပက္ခမှုများလည်းဖြစ်နိုင်သည်။

(၄)ပြည်ထောင်စုနိုင်ငံ၌ ဗဟိုအစိုးရနျင့်ပြည်နယ်အစိုးရတို့တဖွဲ့၏ အခွင့်အာဏာကို တဖွဲ့ကမထိပါး စေနိုင်ရန် ပြင်ဆင်ရန်ခက်ခဲသော ဖွဲ့စည်းပုံအခြေခံဥပဒေကို အသုံးပြုရန်လိုအပ်သည်။ ယင်းသို့ ပြင်ဆင် ရန်ခက်ခဲသော အခြေခံဥပဒေကို အသုံးပြုသဖြင့် ခေတ်နှင့်လျော်ညီအောင် ပြုပြင်ရာတွင် နှောင့်နှေး ကြန့်ကြာစေနိုင်သည်။

(၅)ပြည်ထောင်စုစစ်သောနိုင်ငံများတွင် ပြည်နယ်တို့၏လွတ်လပ်ခြင်းမှာကြီးမားသည်။ ထို့ကြောင့်ဗဟိုအစိုး ရအနေဖြင့် ခေတ်နှင့်လျော်ညီအောင်တိုင်းပြည်ကို ပြုပြင်ရာတွင် ပြည်နယ်တို့၏အကျိုးကို ထိခိုက်စေနိုင် သည်။ ဤသို့ပြည်နယ်တို့ အကျိုးကိုထိခိုက်မှုကြောင့် ပြည်တွင်းစစ်ဖြစ်ရသော သာဓကတခုရှိသည်။ (၁၈၆၀) ခုနှစ်အမေရိကန်သမ္မတ လင်ကွန်းလက်ထက်ကျေးကျွန်စနစ် ဖျက်လိုက်သဖြင့် နီဂရိုးကျေးကျွန် များကို ခိုင်းစေသဖြင့် ပြည်ထောင်စုအတွင်းမှ ခွဲထွက်ရန်ပြုလုပ်လာသောကြောင့် တောင်ပိုင်းနှင့်မြောက်ပိုင်း ပြည်တွင်းစစ်ဖြစ်ခဲ့ရသည်။

Posted in: နိုင်ငံရေးသိပ္ပံ