Basic Political Science part (9)

အခန်း (၉)

နိုင်ငံရေး အတွေးအခေါ်နှင့် သဘောသဘာဝများ အပိုင်း (၆)

တည်ထောင်သူ
Plato (BC- 428~328) ဂရိအတွေးအခေါ်ပညာရှင်

လူမျိုး
ဂရိလူမျိုး၊ အနောက်တိုင်းအတွေးအခေါ်ပညာရှင်၊ ဆိုကရေးတီးစ်၏ တပည့်ဖြစ်သည်။

Name : Plato
Birth : BC 428 – 427 BC, Athens
Death : BC 348 – 347 BC, Athens
School/ Tradition : Platonism
Main interests : Rhetoric, Art, Literature, Epistemology, Justice, Virtue, Politics, Education, Family, Militarism
Notable ideas : Platonic realism.

ပလေတို၏အာရုံသိနှင့် ဆင်ခြင်သိဆိုင်ရာအယူအဆ
ပလေတိုသည် ၄င်း၏ဆရာ ဆိုခရေးတီး(စ်) တင်ပြခဲ့သော ... အယူအဆများကို ချဲ့ထွင်၍ ပိုမိုစနစ်ကျသော သိမှုဗေဒဆိုင်ရာ သီအိုရီတခုအာရုံသိ ... ၊ ဆင်ခြင်သိတို့နှင့် ... ပတ်သက်၍ သူရေးသားခဲ့သော (The Theaetus) နှင့် (The Republic) ဆွေးနွေးခန်းများ၌ အောက်ပါအတိုင်း သုံးမျိုးခွဲခြားခဲ့သည် ... ။ ၄င်းတို့မှာ

၁)မသိခြင်း (Ignorance)
၂)ထင်မြင်ချက် (Opinion)
၃)အသိပညာ (Knowledge) ဟူ၍ ဖြစ်ပါသည်။

မသိခြင်း (Ignorance)

မသိခြင်း ဟူသည်မှာ လုံးဝ မသိနားမလည်ဘဲ ဖြစ်နေသော အခြေအနေကို ဆိုလိုသည် ... ။ မရှိအဖြစ်ကို ဆောင်နေသော အခြေအနေ ဖြစ်သည်ဟု ပလေတိုက ဆိုပါ၏ ... ။ တနည်းဆိုသော် မသိခြင်း (Ignorance) ဆိုသည်မှာ အမှန်တရားကို မသိဘဲ ဖြစ်နေရုံမက မှားသော အသိများကိုပင်လျှင် မသိရှိ မခံစားနိုင် ဖြစ်နေသည်ဟု ပလေတိုက ယူဆခဲ့ပါသည် ... ။ ထို့ကြောင့် မသိခြင်းဟူသော ... အဖြစ်သည် မရှိခြင်း (not being) ဟူသော ... အခြေအနေနှင့် အတူတူပင် ဖြစ်သည်ဟု ယူဆခဲ့လေသည် ... ။

ထင်မြင်ချက် (Opinion)

ထင်မြင်ချက် ဆိုသည်မှာ ... အာရုံသိဖြင့် သိလာသော အသိများကို ဆိုလိုခြင်းဖြစ်၏ ... ၎င်းသည်မသိခြင်း (Ignorance) ကဲ့သို့ ... မှားသောအသိများကိုပင် လုံဝမသိဘဲ ဖြစ်နေသော အခြေအနေမဟုတ် ... ။ ထို့ကြောင့် မရှိခြင်း (not being) သဘောကို ဆောင်နေသည်ဟု မဆိုနိုင်ပေ ... ။ သို့ရာတွင် စစ်မှန်သော အသိပညာ ကိုပေးနိုင်စွမ်း မရှိသေးပေ ... ။ တို့ကြောင့် ၎င်းသည်ရှိခြင်း (Being) သဘောကို ဆောင်လျှက်ရှိသည်ဟု မဆိုနိုင်ပြန်ပါ ... ။ သို့ဖြစ်၍ ပလေတို၏ အလိုအရ အာရုံသိဖြင့် သိရှိလာသော အသိတို့သည် မသိရှိဘဲဖြစ်နေခြင်း (Ignorance) နှင့် စစ်မှန်သောအသိပညာကို ရရှိလာခြင်း (Knowledge) တို့ အကြားတွင် ဖြစ်ပေါ်နေသော အသိများသာလျှင် ဖြစ်နေပေသည် ... ။

အသိပညာ (Knowledge)

အသိပညာ ဟူသည်မှာ ... အမှန်တကယ် ဖြစ်တည်လျှက်ရှိသော အစစ်အမှန်တရားကို သိရှိလာခြင်းသည် ... ။ တနည်းဆိုသော် ... အမှန်တကယ် ဖြစ်ပေါ်နေသော ရှိခြင်းသဘော (Being) ကို သိလာခြင်း ဖြစ်သည် ... ။ ထို့ကြောင့် (Knowledge) ကိုယ်တိုင်သည်လည်း (Being) ကို ဆောင်ရွက်လျှက် ရှိသည်ဟု ပလေတိုက ခံယူတင်ပြခဲ့၏ ... ။

ပလေတို၏ အလိုအရ စစ်မှန်သော ... အသိပညာဟူသည်မှာ ဘယ်သောအခါမျှ မလွှဲမှားနိုင်သော အသိပညာ မျိုးဖြစ်ရမည် ... ။ (Knowledge must be infallible) ထို့ပြင် ... အမှန်တကယ် ရှိနေသော ... အစစ်အမှန်တရား (Reality)ကို ဖေါ်ပြသော အသိပညာမျိုး ဖြစ်ရမည် ... ။ (Knowledge must have reality as its Oject) ၎င်းလိုအပ်ချက် (သို့မဟုတ်) အရည်အချင်း နှစ်ရပ်မှသာလျှင် စစ်မှန်သော ... အသိပညာ (Knowledge) ဖြစ်သည်ဟု ပလေတိုက အဓိပ္ပါယ် ဖွင့်ဆိုခဲ့ပါသည် ... ။

Posted in: နိုင်ငံရေးသိပ္ပံ