Political Science Part (32)

အုပ်ချုပ်ရေးဌာန

အုပ်ချုပ်ရေးဌာနဆိုသည်မှာ ဥပဒေပြုအဖွဲ့မှ ပြုလုပ်သော တရားဥပဒေကို ကိုးကားကိုင်စွဲ၍ တရားဥပဒေစိုးမိုးရေးအတွက် ပြုလုပ်ဆောင်ရွက်ရသော အဖွဲ့တစ်ခု ဖြစ်သည်။

ကမ္ဘာပေါ်ရှိအုပ်ချုပ်ရေးဌာနတို့၏ တန်ခိုးအာဏာများမှာ တစ်ဌာနနှင့် တစ်ဌာနတို့များစွာ ကွဲပြားခြားနားခြင်း မရှိလှပေ။ သို့ရာတွင် အုပ်ချုပ်ရေးဌာန ဖွဲ့စည်းပုံမှာမူ တစ်တိုင်းပြည်နှင့် တစ်တိုင်းပြည်၊ တစ်နိုင်ငံနှင့် တစ်နိုင်ငံ မတူကြောင်း တွေ့ရသည်။

တစ်ချို့ နိုင်ငံများတွင် အမွေဆက်ခြင်းဖြင့် အုပ်ချုပ်ရေးဌာနတို့ ဖွဲ့စည်းပြီး တစ်ချို့ နိုင်ငံများတွင်မူ ရွေးကောက်၍ အုပ်ချုပ်ရေးအဖွဲ့ကို ဖွဲ့စည်းကြပေသည်။ အင်္ဂလန်ဘုရင်နှင့် ဆွီဒင်ဘုရင်စသော အုပ်ချုပ်ရေးဌာနတို့၏ အကြီးအကဲများသည် အမွေဆက်ခံသူများ ဖြစ်ကြပေသည်။

အုပ်ချုပ်ရေးဌာနကို ရွေးကောက်တင်မြှောက် ဖွဲ့စည်းရာတွင်လည်း သုံးမျိုးသုံးစားကွဲပြားခြားနားနေသည်ကို အောက်ပါအတိုင်း တွေ့ရှိရပေသည်။

(၁) မဲဆန္ဒရှင်တို့က တိုက်ရိုက်ရွေးကောက်တင်မြှောက်ခြင်း။
(၂) ဥပဒေပြုအဖွဲ့က ရွေးကောက်တင်မြှောက်ခြင်း။
(၃) ရွေးချယ်ရေး ကိုယ်စားလှယ်အဖွဲ့ (Electoral Collage) ကရွေးကောက်တင်မြှောက်ခြင်း စသည်တို့ဖြစ်သည်။

ဂျာမဏီ "ဝေမာသမ္မနိုင်ငံ" နှင့် တစ်ချို့ သော တောင်အမေရိက နိုင်ငံများတွင် အုပ်ချုပ်ရေးဌာန၏ အကြီးအကဲဆုံးသော ပုဂ္ဂိုလ်မဲဆန္ဒရှင်များက တိုက်ရိုက်ရွေးကောက်တင်မြှောက်ကြသည်။ အိန္ဒိယ၊ ဂျပန်စသော နိုင်ငံများတွင်မူ အုပ်ချုပ်ရေးဌာန၏ အကြီးအကဲကို ဥပဒေအဖွဲ့ကသာ ရွေးကောက်တင်မြှောက်သည်။ အမေရိကန် ပြည်ထောင်စုတွင်မူ ပြည်နယ်တို့မှ မဲဆန္ဒရှင်များသည် စီးနိတ်အမတ်နှစ်ယောက်ကျစီနှင့် အောက်လွှတ်တော်အတွက် သက်ဆိုင်ရာ ပြည်နယ်တို့တွင် လူဦးရေအလိုက် အချိုးကျ ရွေးကောက်ခွင့်ရှိသော အမတ်များကိုသာ ရွေးကောက်တင်မြှောက်ရသည်။ ထို့ကြောင့် သွယ်ဝိုက်ရွေးကောက်နည်းဟုပင်ဆိုရပေမည်။ သို့ရာတွင် ပါတီစနစ်ကိုသာ အသုံးပြုသောကြောင့် သမ္မတကို ရွေးချယ် တင်မြှောက်ရသည်။ ထို့ကြောင့် သွယ်ဝိုက်ရွေးကောက်နည်းဟုပင် ဆိုရပေမည်။ သို့ရာတွင် ပါတီစနစ်ကို အသုံးပြုသောကြောင့် မဲဆန္ဒရှင်ပြည်သူများအနေဖြင့် မည်သည့်ပါတီနိုင်လျင်မည်သူက ဖြစ်မည်ကို ကြိုတင်သိရှိထားကြသည်။ ထို့ကြောင့် ပါတီတစ်ခုမှ အမတ်လောင်းတစ်ယောက်ကို မဲပေးခြင်းသည်။ ၄င်းအမတ်လောင်း၏ ပါတီမှ သမ္မတလောင်းကို မဲပေးခြင်းပင်ဖြစ်တော့သည်။ ယင်းသို့ သဘောများကြောင့် စာဆိုအားဖြင့် အုပ်ချုပ်ရေးဌာန၏ အကြီးအကဲဖြစ်သော အမေရိကန် သမ္မတကို "ရွေးချယ်ရေးအဖွဲ့" (Electoral College) ရွေးကောက်သည်ဟု ဆိုသော်လည်း လက်တွေ့တွင် ပြည်သူတို့က တိုက်ရိုက်ရွေးကောက်တင်မြှောက်ခြင်းပင် ဖြစ်သည်။

အုပ်ချုပ်ရေးဌာနအမျိုးမျိုးအကြောင်း

အုပ်ချုပ်ရေးဌာနကို ပုံစံအားဖြင့် သုံးမျိုးသုံးစား လေ့လာသင့်ပေသည်။ ၄င်းတို့မှာ -

(၁) ရုပ်ပြအုပ်ချုပ်သူနှင့် အစစ်အမှန်အုပ်ချုပ်သူ
(၂) တစ်ဦးတစ်ယောက် အုပ်ချုပ်ခြင်းနှင့် အများစုက အုပ်ချုပ်ခြင်း
(၃) ပါလီမန်အုပ်ချုပ်ရေးနှင့် သမ္မတအုပ်ချုပ်ရေးတို့ဖြစ်သည်။

ရုပ်ပြအုပ်ချုပ်သည်မှာ ပုဂ္ဂိုလ်တစ်ယောက်သည် စာဆိုအားဖြင့် တိုင်းပြည်၏အထွတ်အထိပ် အကြီးအကဲ ဖြစ်သော်လည်း လက်တွေ့တွင်မူ အာဏာမရှိသူပင်ဖြစ်သည်။ အင်္ဂလန်ဘုရင်မသည်လည်းကောင်း ဂျပန်ဘုရင်နှင့် အိန္ဒိယ သမ္မတသည်လည်းကောင်း ရုပ်ပြအုပ်ချုပ်သူများသာ ဖြစ်ကြသည်။ တိုင်းပြည်အုပ်ချုပ်သော တကယ်အာဏာမှာ ၀န်ကြီးချုပ်နှင့် ၀န်ကြီးများတွင် ပါဝင်သော အစိုးရအဖွဲ့၌သာ တည်ရှိသည်။ ထို့ကြောင့် ၄င်းအစိုးရအဖွဲ့သာလျှင် အစစ်အမှန် အုပ်ချုပ်သူများ ဖြစ်ကြသည်။ အင်္ဂလန်ဘုရင်နှင့် အိန္ဒိယသမ္မတစသောသူများသည် "စိုးမိုး၍ မအုပ်ချုပ်ရသော " ရုပ်ပြ အုပ်ချုပ်ရေးသများများ (Nominal Executive) သာဖြစ်ကြပြီး အစိုးရအဖွဲ့သည်သာလျှင် စိုးမိုးအုပ်ချုပ်ရသော အစစ်အမှန် အုပ်ချုပ်သူများ (Real Executive) ဖြစ်ကြသည်။

တစ်ဦးတစ်ယောက် အုပ်ချုပ်ရေးဆိုသည်မှာ အုပ်ချုပ်ရေးအာဏာအားလုံးကို တစ်ဦးတည်းက ချုပ်ကိုင်စီမံခန့်ခွဲ ဆောင်ရွက်ခြင်း ပင်ဖြစ်သည်။ အမေရကန်သမ္မတသည် အမေရိကန်ပြည်ထောင်စုကို အုပ်ချုပ်ရာ၌လည်းကောင်း တစ်ဦးတည်း၏ သဘောဆန္ဒအရ အုပ်ချုပ်ခြင်းပင် ဖြစ်သည်။ တစ်နည်းအားဖြင့် အမေရိကန်အုပ်ချုပ်ရေးအာဏာအားလုံး လိုလိုသည် အမေရိကန်သမ္မတလက်ထဲ၌သာ တည်ရှိပေသည်။ ထို့ကြောင့် အမေရိကန် အုပ်ချုပ်ရေးစနစ်သည် တစ်ဦးတစ်ယောက် အုပ်ချုပ်သောစနစ် (Single Executive) ဖြစ်သည်။

လူအများ သို့မဟုတ် လူတစ်စုအုပ်ချုပ်ခြင်း ဆိုသည်မှာ အုပ်ချုပ်ရေးအာဏာများကို လူအများ သို့မဟုတ် လူတစ်စုက ကိုင်ဆွဲအုပ်ချုပ်ခြင်းပင် ဖြစ်သည်။ ဆွစ်ဇလန်နိုင်ငံ၏ ပြည်ထောင်စုကောင်စီ (Federal Council) တွင် အုပ်ချုပ်ရေး အာဏာကို အညီအမျှပိုင်ဆိုင်သော လူ ၇ ဦး ပါဝင်သည်။ ယင်းကောင်စီက တိုင်းပြည်ကို စိုးမိုးသောကြောင့် ဆွစ်ဇာလန်နိုင်ငံအုပ်ချုပ်ရေးသည် "အများအုပ်ချုပ်ရေး" (Plural Executive) ဖြစ်သည်။

ပါလီမန်အုပ်ချုပ်ရေးဆိုသည်မှာ အုပ်ချုပ်ရေးအာဏာများကို ၀န်ကြီးချုပ်နှင့် ၀န်ကြီးများက ကိုင်ဆွဲ၍ အုပ်ချုပ်သော စနစ်ပင်ဖြစ်သည်။ ၄င်းဝန်ကြီးချုပ်နှင့်တကွ အစိုးရအဖွဲ့ ၀န်ကြီးအားလုံးကို ဥပဒေပြုအဖွဲ့ဖြစ်သော ပါလီမန် အမတ်များထဲမှ ရွေးကောက်တင်မြှောက်ထားခြင်း ဖြစ်သည်။ ထို့ကြောင်း ၄င်း "အုပ်ချုပ်ရေးမျိုးကို" ပါလီမန်တာဝန်ခံသော အုပ်ချုပ်ရေး (၀ါ) ပါလီမန်အုပ်ချုပ်ရေး (Parliamentary Executive) ဟူ၍ ခေါ်ဆိုကြသည်။

သမ္မတအုပ်ချုပ်ရေးတွင် အုပ်ချုပ်ရေးဌာန၏ အထွတ်အထိပ်ဖြစ်သောသမ္မတသည် ပါလီမန်နှင့် မည်သို့မည်မျှ မသက်ဆိုင်ပေ။ ပါလီမန်သည် သမ္မတကိုဖြုတ်ချခွင့်မရှိ။ ပါလီမန်အုပ်ချုပ်ရေးတွင်မူ ပါလီမန်သည် အယုံအကြည် မရှိအဆိုတင်၍ အစိုးရွှဖွဲ့ကို ဖြုတ်ချနိုင်သည်။ သမ္မတ အုပ်ချုပ်ရေးစနစ် (Presidential Executive) သည် ပါလီမန် အုပ်ချုပ်ရေးစနစ်ကဲ့သို့ ပါလီမန်နှင့် ရောယှက်မနေသောကြောင့် "ပါလီမန်ကို တာဝန်မခံသော အုပ်ချုပ်ရေး စနစ်" (Non Parliamentary Executive) ဟူ၍လည်း ခေါ်ဆိုနိုင်ပေသည်။ အမေရိကန် ပြည်ထောင်စုတွင် ဤစနစ်ကို အသုံးလျက်ရှိ၏။

Posted in: နိုင်ငံရေးသိပ္ပံ